June moina para 10 Crore Covishield doses bonabo

New Delhi: Serum Institute of India (SII) para government logot janai thishe ke, June moina te Covishield tawai toh 10 crore doses neshina bonaikena supply thiboli ase koikena Sunday din official khobor hesab te junai thishe, etu samai states besi te anti-coronavirus vaccine toh komti howa laga complaint kori ase. Olop din akhe te Union Home Minister Amit Shah logot letter leka te, Serum Institute of India (SII) para koishe ke, tai khan laga employees khan ek paar be narokina bemari samai besi mon thikena kam kori ase janaishe. “ami khan besi kushi ase ke etu kotha janai thiboli ekta te June moina para toh 10 crore neshina Covishield vaccine doses bona soruh koribo aro May moina te 6.5 crore doses bona oper logot be besi wala thakibo, koikena Serum Institute of India (SII) te Director of Government & Regulatory Affairs, Prakash Kumar Singh para letter te junai thishe. Mr Singh para aro Mr Shah logot besi kushi powa janaishe, tai para India ”aatmanirbhar” (self-sufficient) hoboli thibo nemite aro COVID-19 vaccines bonaikena desh laga manuh logot paijaboli kam korishe koishe. “Serum Institute of India para desh nemite aro desh laga manuh ke besi motob aro pajaikena ahishe aro tai be COVID-19 bemari samai besi tangor kam kori ase. Ami khan laga CEO leadership Adar C Poonawalla pithor te ami khan laga team toh besi mon thikena ek jun- ek jun logo motob korikena government logot melikena COVID-19 bemar nemite kam kori ase,” koikena letter te aro janaishe. “ami khan janai ase ke, Government of India laga motob te aro tui khan laga kotha pithor te Covishield vaccine bonai thaka toh aro besi wala bonabo nemite dosura saman aro rasta toh baboli koribo. May moina te Serum Institute of India (SII) para Centre logot kotha korikena Covishield vaccine toh June moina te 6.5 crore, july te 7 crore aro August aro September moina te 10 crore bonaboli koikena ase. Itya India te Serum Institute of India (SII) para bona Covishield vaccine aro Bharat Biotech laga Covaxin toh COVID-19 immunisation programme jolai ase. Russian Sputnik V toh tinta(3) wala vaccine ase ke, Drug Controller General of India (DCGI) para konuba private hospitals te emergency samai jolaboli manikena ase.