Junior hockey coach ke dure she, ekta bacha ke rape kurea karne, Haryana te

Haryana, January 11, 2026: Ekta junior hockek coach ke arrest kure she, ekta bacha maiki ke rape kurea karne, aro maiki toh bacha bukhe jai she koishe. Aro etu hafte te miscarriage hoishe.  Faridabad laga 17 sal shooter para koi she ki, Inida laga shooting coaching laga ekta staff para tai ke rape kure she National Championships ja homoi te.  Police khan laga hesab te, Class 12 bacha, kun Rewari district laga ase, tai para January 9 Friday te ekta complaint file kure she, Khol Police Station te. Maiki para koishe ki, tai toh hockey khelea aro char moina ahge te, ekta junior coach kun tai tin sal karne janea, tai ke rape kure deshe, stadium laga bathroom te.  Maiki para koishe ki tai bacha bukhe jai she etu rape karne, January 5 te. Aro etu haft ate tai miscarriage hoi she, aro tai laga goa bea ho karne, tai laga ghor manu khan para tai ke hospital loi jai she koishe. Rewari laga Police khan para koishe ki FIR register hoi she, Protection of Children from Sexual Offences (POCSO) Act laga betor te aro alak law khan te. Police khan para koi she ki coach ke toh dure loi she, tai ke court laga ahge te loi ja piche te. Tai ke dua din karne police remand karne loi jai she, hodai khan kure bole karne.