AGARTALA | November 2, 2018: Himachal Pradesh High Court laga judge Justice Sanjay Karol ke Tripura High Court laga cheif justice nimete naam anidishe . Tripura High Court laga porana Chief Justice Justice Ajay Rastogi, Supreme Court laga judge bonaidishe .Etu khobor diya time te etu collegiums pora koishe etia tak Himachal Pradesh High Court te ekta bi cheif justice nai Manipur High Court laga Chief Justice Abhilasha Kumari retire huwa pichede . Justice Karol toh 1986 te lawyer hoikena shuru kurishe aro tai practise kura area khan toh constitutional law, taxation, corporate law, criminal law aro civil law thakishe .Tai 1998 aro 2003 te Himachal Pradesh te advocate general laga kaam kuri thkaishe .Etu pichede tai ke Senior Advocate1999 te bonaidishe .March 2007 te tai ke Himachal Pradesh High Court laga judge bonaidishe aro etu sal april moina te tai ke High Court laga acting Chief Justice nimete loishe .Tai etu role toh October 05 kuri thakishe .Etu pichede Chief Justice Surya Kant pora charge loishe.
Add Comment