Kiphire, 23 April: Kiphire District Legal Services Authority para NALSA laga aegis te Mini Camp toh public ground, Kiphire te 23rd April 2022 te loise aro Judge Gauhati High Court, Executive Chairman NALSA Portfolio Judge of Kiphire District, Justice Songkhupchung Serto toh special guest hisab te thakise.
Serto para Mini Camp toh alak alak departments para district te Government of India para deya manu laga laub nemite alak alak schemes, awareness aro activities highlight koribole stalls bona logote loi koise. Tai para sob manu khan ke thek way te benefits pabole right ase koise. Serto para ekta laga profession toh Isor para manu khan ke serve koribole juna laga ase hoilebe manu khan ke rule koribole laga nahoi koise. Tai para government servants para tai khan laga district te tai khan laga presence aro contribution para ekta difference bonabole koise.
Serto para education sector opor te, education toh bacha khan nemite kaam laga ase koise aro education nathaki kena manu khan nemite future nai koise. Tai para village authorities aro teachers toh bacha khan ke quality education debole zamidari ase koise kelay koile government para phal education nemite phal infrastructure deya para.
ino Eralu, NJS Secretary (Judicial) Law & Justice department para mini Camp lowa toh alak alak departments under te manu khan ke opportunities debole nemite loise koise aro District Legal Services Authority toh district te man uke any queries aro help logote motob koribole bonaise koise.
Neiko Akami, NJS Registrar, Gauhati High Court, Kohima Bench para DLSA toh district te bonaise koise. Etu toh legal Act under te grass root level to highest level te free legal aid nemite opportunities debole nemite ase koise aro sob manu khan para opportunity pabole paribo koise.
Awareness of three schemes and activities under the departments of Social Welfare, Health & Family Welfare, and right to education was highlighted by Advocate, Bendangwati Sangtam, Michael, and Advocate, Limkhushi respectively.
Tinta schemes laga awareness aro activities under departments of Social Welfare, Health & Family Welfare te aro right to education opor te Advocate, Bendangwati Sangtam, Michael, aro Advocate, Limkhushi para kowa thakise.
Agae te welcome address toh NJS, District & Session Judge cum Chairman DLSA Kiphire, N. Longshithung para deya thakise, vote of thanks by NJS CJM cum Secretary DLSA, Kiphire, Phuleto Yaptho para aro program moderator toh DPA, Kiphire, Rebeca T Sangtam thakise. Chief guest para be alak alak departments laga stalls te inaugurate kora thakise. Program te tribal hohos, NGOs, Church leaders, Government Officials, GBs aro public attend howa thakise.
Add Comment