Jyothi Surekha, First Indian mahila hoise Archery World Cup Final te Medal jitia

Nanjing, 18 October: Star Indian archer Jyothi Surekha Vennam etiya itihaas banaise kitia tai first Indian mahila compound archer hoise juntu medal jitise Archery World Cup Final te, bronze medal loise Nanjing, China te. Jyothi Great Britain laga second seed Ella Gibson ke 150-145 te haraise, aru match te five ends majot te perfect 15 tens hit korise. Asian Games champion Jyothi laga campaign shuru hoise ekta solid 143-140 quarterfinal jeet logot USA laga Alexis Ruiz uporte, itu pichete tai narrowly 143-145 te haarise world number one Andrea Becerra (Mexico) logot tightly contested semifinal te. Kintu, Jyothi punjina ekta confident aru precise performance logot aru desh laga first-ever mahila laga compound medal secure korise season-ending final te. Aru ekjon dusra Indian archer, Madhura Dhamangaonkar, first round te early exit korise kitia tai Mexico laga Mariana Bernal logot 142-145 te haarise mahila laga compound event te.