Sports

Jyothi Yarraji laga haat para likhia Asian Games tribute.

October 12, 2023
Hangzhou, India, 12 October : Kitia Jyothi Yarraji, India laga roshan jawaan hurdler, silver medal jitia piche dey podium dey khara kurishey itia laga Asian Games Hangzhou dey, bib laga piche dey, kuntu tai para unpin kurishey aro haat dey dhurishey, itu toh haat para likhia laga gratitude thakia chiti thakishey: “Gautham, itu tui karney asey. Muikhan tuike yaad kurey.”
 
Sai Gautham, kun ekta national level hurdler thakishey, tai toh Jyothi laga muun dey special jagah asey. Tai para hi Jyothi laga talent dikhi paishey, ekta sports hostel,  Hyderabad dey admission pawpley motut kurishey, aro tai star nahua agey dey tai laga shuru kuria din khan phaney taike saishey. Jyothi laga agey Nike juta laga pair toh Gautham para doufa dishey.
 
“Tai agey manu thakishey kun para mui talent asey kuina kuishey. Tai mui laga hometown (Visakhapatnam) dey thakishey tai laga khantan ke log pawoley karoney. Tai muike ground dey dikhishey kutey mui training kuri thakishey. Itu 2015 dey thakishey, kitia mui shuru kuri thakishey. Tai muike kuishey ki ekta SAI hostel asey talented athletes khan karoney, aro ekta coach ke tai para khota kuishey. Tai itu SAI hostel dey mui laga senior thakishey. Tai toh mui laga mata-pita nishina hi thakishey,” Jyothi kuishey.
 
Kitia Jyothi notun juta lagi thakishey, Gautham para tai karoney kini dishey. “Itu mui laga agey Nike juta thakishey. Mui Nivia juta julai thakishey, aro itu ekela bhi mui karoney bishi dangor cheez thakishey. Huilewi kitia mui taike kuishey ki mui olob dardh feel kuri asey, Tai mui karoney notun Nike juta kini dishey,” Jyothi kuishey.
 
Jyothi toh Mumbai dey thakishey kitia tai Gautham accident hua laga khobor paishey. Tai Kakinada dey jaishey Gautham logot thakiboley. Huilewi tai Gautham logot khota kuwo parianai. “Mui taike sawoley jaishey. Tai hospital dey 4 din karoney thakishey. Tai mui laga zindagi dey sobse important manu khan laga maju dey ekta thakishey, aro mui laha pura journey dey muike support kurishey… tai ICU dey thakishey, tai laga dimah dey clots thakishey… toh eku hila hili thakianai… mui tatey ek din karney thakishey. Sob manu kuishey ki mui tai laga sapna poora kuribi lagey. Mui itu Asian Games dey kuribo mun thakishey.”
 
Galti shuru hua laga drama nathakiley Hangzhou det, Jyothi lagi thakishey ki tai itu logot tez jawo paribo thakishey. “Race poche dey, mui lagishey ki mui aro olob tex jawo paribo. Huilewi mui ahia saal karoney pachaina rakhiasey arey. Podium dey uthina, mui olob disappointed thakishey kiley kuiley muikhan laga national anthem toh pajai thakianai. Huilewi mui karoney ekta emotional race thakishey bishi jagah dey, aro mui khushi asey ki mui Asian Games dey rkta medal jitiwo parishey,” Tai kuishey.