Dimapur,December 4, 2025: Union Minister for communication and Development of the North Eastern Region (DoNER), Government of India, Jyotiraditya M. Scindia 3 din tour Nagaland teh shuru kurisha. Tai 4th December teh Dimapur teh punchisha. Taige lobo le Nagaland laga Minister for Public Health Engineering Jacob Zhimomi ahisha. MLA aro advisor for Labour & Employment Moatoshi Longkumer be ahisha. Aro senior government officials aro representatives alak department khan para be ahisha.
Tai pojcha pechete media manu khan ke olop khota kurisha. Tai para koisha ki Nagaland teh vapas ahine bishi Khushi paisha. Aro tai state laga diversity, equality aro cultural heritage laga bishi bhal khota koisha. Tai para koisha ki Nagaland teh bishi potential ase aro tai thik naga manu khan dangor celebration kurei time teh aheisha. Tai para koisha ki Gross budgetary support laga 10% (Rs. 1 lakh crore) ekta sal teh toh Northeastern state laga development karne dei. Tai para koi ki etu toh “Ashta Lakshmi” ase.
Tai December 5 teh foundation stone haliwo laga ceremony alak alak DoNER funded projects khan teh attend kuribole ase. Etu projects khan toh connectivity, infrastructure aro livelihood ge othabo karne ase koisha. Etu piche teh tai Touphema bosti teh pathor tanibole laga ceremony teh attend kuriwo koisha. Aro etu piche teh tai Hornbill Festival Kisama teh special guest laga hisab teh jawo koisha. December 6 teh tai Sovima bosti teh Heirloom Naga centre teh jai gena. Tateh kam kurei manu khan logo teh khota kuriwo koisha. Etu piche teh taila tour toh khotom hoijabo.
Add Comment