Madhya Pradesh, 16 April : Bharatiya Janata Party (BJP) candidate Jyotiraditya Scindia aro Union Minister para Guna parliamentary seat karney nomination papers file kurishey Tuesday dey ahi thakia Lok Sabha elections karoney.
Madhya Pradesh Chief Minister Mohan Yadav, former CM Shivraj Singh Chouhan, aro state BJP chief VD Sharma bhi itu occasion dey present thakishey.
Mr Scindia para bhi ahi thakia LS polls karney tai laga nomination file nakuria agey dey ekta roadshow luishey. Din agey dey, itu BJP nominee para tai laga nomination papers fill nakuria agey dey Hanuman Temple dey prathna dishey.
Congress party para bhi Rao Yadavendra Singh ke itu seat karney Mr Scindia laga khilaf field kurishey.
Madhya Pradesh dey Guna Lok Sabha constituency toh Scindia khantan laga political dominance logot lamba karney synonymous thakina ahi asey. Itu ke taikhan laga stronghold nishna regard kurey, khali Gwalior ke second, aro five saal dey prominent Scindia khantan manu para represent kurishey.
Notably, Vijayaraje Scindia, Madhavrao Scindia, aro Jyotiraditya Scindia khan sob yatey electoral jeet dikhishey. Congress laga Jyotiraditya Scindia yatey four elections karney jeet luishey kuntu piche dey tai BJP laga Krishnapal Singh Yadav khilaf 2019 Lok Sabha polls dey 1.25 lakh votes para harishey.
Mr Scindia toh eki Guna seat para itu par BJP symbol dey aro ekbar contest kuri asey, kitia rival congress candidate Rao Yadvendra Singh bhi ekta former BJP leader asey aro union minister laga khilaf contest kuri asey.
Guna toh May 7 dey polls dey third phase dey jawo, state dey alag eight parliamentary seats logot milaina.
Madhya Pradesh dey Lok Sabha elections toh four phases dey conduct kuribo. Polling laga agey phase toh April 19 dey liwo, kuntu piche dey April 26, May 7 aro May 13 dey luwo.
Madhya Pradesh dey total 29 Lok Sabha constituencies asey, kuntu para parliamentary representation laga terms dey itu sixth-largest state asey. Itu para, 10 seats toh SC aro ST candidates karney reserved asey, kitia pachina thakia 19 toh unreserved asey. 2019 Lok Sabha Elections dey, BJP para Madhya Pradesh dey ekta dangor jeet luishey, 29 seats para 28 jitishey. Indian National Congress (INC) para khali ekta seat jitiwoley parishey.
Add Comment