Agencies, 29 May: Ektum popular K-pop band, BTS besi fans ase duniya te. Jaija olob agae sal para tai khan gana khan olai kena duniya te jaga bonaishe.
Tai khan sobse notun Butter ola para sob records par korise. Pahar desh te he nahoi kena BTS ke be besi fans toh India te be ase. 7 member boy band toh India te etiya tak lok nakorikena ase hoilebe jowa sal tai khan Covid pandemic bechite ahibole bhabona janaideya thakise. BTS te RM, Jin, Suga, J-Hope, Jimin, V aro Jungkook ase aro etiya tak khan Indian fans nemite Hindi te ekta message share korise.
Indian media house logote interview samai BTS para tai khan laga fans desh te thaka nemite special message share korise. Tai khan toh fans ke traditional namaste para wish kora thakise. Hindi te tai khan para Indian BTS Army, apuni sob toh ami khan laga monn te ase koise.
Etu agae tai khan desh te pandemic samai ARMY nemite eku message ase na nai hota te member V para PTI te email para tai khan laga prathana toh India logote ase koise. ARMY gara thakibole aro ketiya be biswas lose nahobole koise.
Add Comment