Kabul blast te tuita(2) security morishe

December 27, 2020. Saturday din Kabul te jarta(4) bomb blast para tui(2) jun security forces morishe aro dosura 6 jun jokom paishe, koikena Tolo news para khobor toh janai thishe. Bomb blast howa toh tin(3) gonda pithor te howa ase. Jaa hafta te blast besi howa te manuh khan besi phui te ase, koikena Tolo news para aro koishe. First blast toh Saturday 7:02 am (local time) pujur Chaman-e-Hozoori jaga Kabul’s PD8, te hoishe, etu samai police para kaun manuh be jokom howa nai koishe. Etu blast toh magnetic explosive device (IED) blast thakishe koikena police para koishe. Tuita(2) wala blast toh west Kabul 7:05 am te hoishe, etu samai magnetic IED blast para senior official khan VIP protection unit laga gari te targeted kora thakishe. Police laga khobor hesab te, tuita police manuh blast para toh jokom paishe. Tinta(3) blast toh Deh Sabz jaga east Kabul te hoishe, aro etu toh rasta osor te bomb toh blast kora ase, etu samai police gari logot hamla kora te tin(3) jun police manuh jokom paishe, koikena police para janai thishe. Jarta(4) blast toh Deh Bori jaga west Kabul te 9:05 am samai hoishe, etu te be police gari logot tanget kora ase, koikena police para janaishe. Social media te Photos thika te konuba ghor aro dukan toh Deh Bori jaga te beya hoishe.