Kabul deh 50 porabe besi manu morise

Agencies, 21 November: Tuesday din Islamic religious scholars  khan Afghan capital Kabul jaga deh jama howah time deh ekta suicide bomb putha pora 50 pora be besi manu moraidese koikena tinta government official pora jaanise. Interior Ministry laga spokesman Najib Danish pora 80 porabe besi manu jokhom paise koise. Danish pora kowah toh, ekta suicide bomber pora bomb toh, Islamic religious scholars khan Prophet Mohammad’s birth laga anniversary nemide jama howah time deh pothaidese. Hamla kora manu toh Uranus wedding hall laga feast room deh kusha thakise aro etu time deh tai laga bomb toh pothaideya laga ase. Basir Mujahid  pora Kabul police logode kowah toh, private banquet hall jaga deh hundreds Islamic scholars khan toh Eid Milad-un-Nabi festival manabo karni jama howah ase. Kabul’s Emergency Hospital jaga deh official khan pora kowah toh, hatsa howah jaga deh 30 ambulances toh dara-dari jaa thakise aro 40 pora be besi manu ektum beya pora jokhom powah thakise. Etu hamla toh kon pora korise joldi khobor powahnai.