Kabul jail osor deh suicide hamla pora 7-jun moraidese

Kabul, 31 October: Wednesday din Afghanistan’s laga sobse dangor prison, employees laga  bus deh suicide bomb hamla korise. Etu pora seven jun manu moraidese koi kena official pora janaise. Tusara five jun manu Kabul laga service osor deh blast howah pora jokhom paise koikena police spokesman Basir Mujahid pora janaise. Tai pora kowah toh, Pul-e-Charkhi prison laga staff khan etu gari deh thaga ase koise. Interior ministry spokesman Najib Danish pora hamla kora manu khan toh foot deh thakise koise. Tai pora etu bus toh east Afghan capital laga jail deh kushi thaga time deh hamla howah ase koise.   Etu hamla howah deh kon pora korise etya tak jani powah nai. Hoilebe tu agae moina hamla howah time deh Islamic State group (IS) pora tai khan hamla kora ase koikena janaideh thakise. Etu agae debe Kabul laga Afghanistan’s Independent Election Commission jaga deh suicide bomb hamla howah thakise. Etu time deh ekjun manu moraideya thakise aro tursara six jun jokhom powah thakise. Etu agae moina time phalli election deh link thaki kena besi hamla howah thakise. Etu pora desh laga manu khan besi mora aro jokhom powah thakise. Etu toh Taliban aro IS khan pora Afghan security forces aro government workers logode ektum kelaaf kori kena hamla kori thaga pora ase.