Kabul para Air Force Plane te 35 jun loikena India pongchise

Ghaziabad: Indian Air Force aircraft C-17 Globemaster para 24 Indian aro 11 Nepalese ke Kabul para othaikena Hindon Airport te Thursday din pongchise. “Indian Embassy aro Indian Government para loikena Delhi te anishe. Tai khan logot besi kushi powa janaishe,” koikena Shiva para janaishe. Afghanistan para India te loikena ana manuh pithor te Nepali national khan be samil thakishe. Ministry of External Affairs Ministry spokesperson Arindam Bagchi para Twitter te janaishe ke, “Op Devi Shakti action IAF_MCC flight te 24 Indian aro 11 Nepalese khan ke Kabul para Delhi pongchise,” koikena Bagchi para khobor toh janaishe. Etu evacuation operation toh jowa hafta Taliban para Afghanistan kapza kora nemite “Operation Devi Shakti” koikena kam korishe. Etu operation samai Ministry of External Affairs para Afghanistan te Indian nationals khan ke motob lakile Special Afghanistan Cell logot khobor loikena war-torn desh para wabas ahiboli janaishe. Itya dak te 565 manuh pithor te 112 Afghan nationals khan Afghanistan para India te wabas ahishe. Ministry of External Affairs para Thursday din political parties laga floor leaders logot khobor toh janaishe. Khobor hesab te ministry para Afghanistan te olop din akhe laga hatsa toh Parliament te alag-alag political parties logot janishe, koikena Affairs Minister S Jaishankar para leaders khan logot koishe. 565 manuh loikena aha pihtor te, 175 manuh toh embassy personnel ase, 263 dosura Indian nationals ase, 112 manuh toh Afghan nationals ase aro Hindus aro Sikhs aro 15 jun toh third-country nationals ase koikena, khobor para janaishe. Afghanistan te jowa hafta Taliban para kapza kora beche halat toh besi beya wala jai ase, manuh khan desh jarikena jaboli kojus kori ase. August 15 darik te President Ashraf Ghani para desh jarikena jowa beche government kerishe.