Kohima, 20 August: Tuesday deh Indian Chamber of Commerce para Agriculture department logode melikena Hotel Japfu, Kohima deh ‘Outreach cum buyer seller meet on organic food production in Northeast’ loise. Etu toh APEDA para sponsored kora laga ase.
Minister, Agriculture & Corporation, G. Kaito Aye koise, etu toh state laga Agro based farmers othabo nemide ase aro government toh Nagaland an Organic State bonabo nemide pura kosish kori ase.
Tai koise, ownership of growers’ organisation pathor deh gara maketing access facilitate koribo nemide Government of Nagaland para Brand as “NAGA ORGANIC” toh register korise. Mission pathor deh FPOs aro entrepreneurs para tai khan laga saman bekha suru hoise.
Tai para farmer khan dekthari powah opor deh janaideya thakise. Tai para be Government toh issues deh saijabo nemide sob measures toh loi ase koise. Tai para be State deh organic saman toh explore koribo nemide Nagaland Government para pura motob debo koise.
Kaito para be ICC, APEDA aro Buyers & Investors koise state laga Agro-based farmers deh motob kori thakibole aro othai debo nemide.
Advisor Horticulture, Mhathung Yanthan para be tai laga address deh etu ‘Outreach cum buyer seller meet on organic food production in North East’ lowah nemide ektum kushi powah kotha janaishe.
Tai koise, ami khan laga State aro pura Nort-East khan organic farming putli hobole sai thaga time deh etu event toh thek samai deh loi. Ami khan laga state ‘Nagaland State Organic Policy’ deh olabo nemide final stage deh ase. Tai laga bhabona hisaab deh, etu para ami khan laga state State’s ‘Organic by default’ hobole thaga para ‘Organic by design’ hub deh putli hoijabole ase.
Principal Secretary, Horticulture, M.K Mero para etu event lowah nemide ICC ke ektum kushi powah janaishe. Tai koise, etu nesana programme para organic farming phal hobole ase aro farmers aro general deh manu khan ke laab pabole ase. Tai para organic products deh certifications policies laga kotha korise aro logistics, exports and connectivity problems, lack of cold storage, infrastructure nesana deh besi dekthari powah janaishe. Event deh Regional Director, Indian Chamber of Commerce aro Advisor, NAB (Organic) APEDA, Dr. A.K Yadav para be kotha kora thakise.
Last deh Kaito para Naga Organic’ app suru kora thaksie. Etu app toh Agriculture and Horticulture department para IT department logode melikena bona laga ase. Etu app para buyers aro sellers (FPC/FPO) ke facilitate kuribole ase.
Add Comment