Kajol laga series ‘The Trial’ nimitey jana ja Noor Malabika Das suicide kurikina murisey

New Delhi, June 10 : Qatar Airways laga former air hostess aro actress Noor Malabika Das para suicide kurisey. Noor para nijor ke tailaga bedroom laga fan te hang kurikina suicide kurisey. Mumbai police laga hisap te, actress Noor Malabika Das laga deadbody tu Andheri laga Oshiwara area te thaka tailaga ghor te puchikina thaka halat te paisey. Police khan para Noor Malabika Das laga deadbody tu titya recover kurisey jitya aas paas te thaka manu khan para tailaga ghor para ekta poccha smell aha laga complain kurikina police ke inform kurisey.Noor Malabika Das tu ‘The Trial’ koikina ekta series te kaam kora picheyte pehchan paisiley. Kuntu te Kajol main lead te thakisey. Etu show tu ekta housewife laga kahani asey kunkey tailaga mota ekta corruption aro sex scandal te jail te ja picheyte ghor laga pura zimidari uthabole majbur hoisey. Noor Maalabika Das tu 32 years laga asey aro tai tu Assam para asey. Tai tu bisi Hindi film ro web series khan te kaam kurisiley.