HYDERABAD:
Telengana te vote counting kali para suru hubo. Etu counting para 1,821 candidates Telangana Assembly election contest kora laga fate decide kuribo.
119-seat Telangana Assembly laga poll toh December 7 te hoishe. Etu poll te 73.20 percent voters ahishe.
Chief Electoral Officer Rajat Kumar koishe counting din aro strongroom nimite necessary arrangements taiyar kurishe. EVM rakha jaga bhi secure ase aro paramilitary forces etu jaga khan te lagaishe.
Chief Electoral Officer strongroom laga ekta chabi toh external observer logote raki kena ase aro precaution nimite, political parties khan bhi sai thakibo.
Counting toh 8am para suru hubo.
Mr Kumar PTI ke koishe “EVMs toh polling station-wise te anibo aro counting centres te rakhibo. Counting toh respective constituencies te kuribo.
Winning candidate declare aro prepare kura toh Election Commission para clearance pa pichote hubo. ECI para approval diya pichote Chief Electoral Officer jetiya candidates laga list party-wise Governor ke submit kuribo.
Add Comment