New Delhi, July 02 : Prabhas laga nutun movie ‘Kalki 2898 AD’ tu theatre te June 27 te release hoisey aro bisi hit hoisey. Etu film tu bisi bhal kahani aro acting nimitey tarif paisey. Etu film laga shooting tu July 2021 para loikina March 2024 tak chulisey. Aro 2024 Lok Sabha election nimitey etu film laga release te diri hoisey. Etu film te Amitabh Bachchan tu Ashwatthama aro Deepika Padukone tu Sumathi laga role kurisey. Deepika laga role para audience khan laga mon jitisey aro etu film laga kamyabi te contribute kurisey. Filmmaker khan para ‘Kalki 2898 AD’ te Sumathi laga role tu first te Pooja Hegde ke dibole bhabisiley. Pooja Hegde tu ageyte Prabhas logotey pura India te release huwa film ‘Radhe Shyam’ te kaam kurisiley. Hoilebi, ‘Radhe Shyam’ te Pooja laga performance tu mix aro biya review pa picheyte, taikhan para tailaga bodli Sumathi laga role tu Deepika ke dibole chunisey. Aro Prabhas laga fanbase para etu choice tu khusi paisey. Pooja Hegde tu ‘Mohenjo Daro’ aro ‘Aravinda Sametha Veera Raghava’ nisna film kurikina naam kamaisey. Kalki 2898 AD tu box office te bisi bhal perform kuri asey. Aro anuman laga manu khan para predict kuri asey ki etu film tu joldi hi duniyabhor te Rs 1000 crore laga mark ke paar kuribole asey. Prabhas tu etu film te Bhairava koikina ekta poisa loikina kaam kora sikari laga role kurisey. Amitabh Bachchan tu Ashwatthama aro Kamal Haasan tu Supreme Yaskin laga role kurisey. Etu film te Disha Patani bi asey. Aro Vijay Deverakonda, Mrunal Thakur, Dulquer Salmaan, Faria Abdullah aro dusra actor khan olop homoi nimitey thakisey.
‘Kalki 2898 AD’ te Sumathi laga role nimitey Deepika Padukone first choice thakanai
Add Comment