Kalki 2898 AD tu duniyabhor te Rs 900 crore opor kamaisey

New Delhi, July 08 : Nag Ashwin laga Prabhas, Deepika Padukone, Amitabh Bachchan aro Kamal Haasan thaka film Kalki 2898 AD tu duniyabhor te box office bisi bhal para chuli asey. Etu film tu June 27 te release hoisey. Aro etu film laga producer khan para kuwa hisap te  duniyabhor te sob bhasa te Rs 900 crore para bisi kamaisey.Etu film laga producer, Vyjayanthi Movies para ekta press note bi release kurisey kuntu te taikhan para koisey ki etu film tu 11 din te Rs 900 crore para bisi kamaisey aro Rs 1000 crore pungchibole asey. India te etu film tu Rs 500 crore laga mark paar kurisey. Zoom logotey kora ekta interview te, etu film laga director Nag Ashwin para koisey ki Kalki 2898 AD banabole nimitey tai Marvel laga Guardians of the Galaxy aro Star Wars para inspiration(prerna) paisey. Tai para koisey, “Amikhan tu Marvel film saikina dangor hoisey. Ami nimitey Iron Man para bisi tu Guardians of the Galaxy para influence kurisey. Star Wars tu ekta bisi dangor influence(prerna) thakisey.”Kalki 2898 AD tu ekta inaam pabole nimitey criminal laga sikar kora, Bhairava(Prabhas) laga kahani asey, kun Complex te thakibole nimitey kaafi poisa kamabole mon asey kuntu toh shaktishali manu khan surakshit para thakibole para jaga asey. Tai tu ekta lab experiment kora pregnant SU-M80(Deepika) aro Ashwatthama(Amitabh Bacchan) ke lok pai. Supreme Yaskin(Kamal Haasan) tu etu Complex laga leader thakey.