New Delhi, June 28 : Kalki 2898 AD tu etu saal laga release huwa laga first din te box office te sobsey bisi poisa kama film asey. Industry tracker Sacnilk laga hisap te, Kalki 2898 AD tu India te first din te hey Rs 95 crore poisa kamaisey. Duniya bhor te etu film laga kamayi tu Rs 191.5 crore asey. Etu film tu Telugu, Tamil, Hindi, Kannada aro Malayalam te release hoisey. Aro etu film laga bis bhak kamayi tu Telugu version para hoisey, Rs 64.5 crore. Etu picheyte Hindi version te Rs 24 crore kamaisey aro Tamil version te Rs 4 crore. Malayalam version te Rs 2.2 crore aro Kannada te Rs 30 lakh. Etu film lag atotal kamayi tu juwa saal laga sobsey bisi hit huwa film, Shah Rukh Khan laga Jawan para Rs 20 crore bisi asey. Jawan film tu release huwa first din te Rs 75 crore kamaisiley. Kalki 2898 AD tu third sobsey dangor Indian opener(first din te sobsey bisi poisa kama) hoisey. First aro second spot te tu SS Rajamouli laga film RRR aro Bahubali 2 asey. RRR tu release huwa din te Rs 223 crore kamaisey aro Bahubali 2 tu Rs 217 crore kamaisiley. Etu film te Prabhas, Amitabh Bachchan, Deepika Padukone aro Kamal Haasan asey. Aro Dulqer Salmaan, Vijay Deveraknda, SS Rajamouli, Mrunal Thakur khan bi cameo(khata homoi nimitey) thakisey.
Kalki 2898 AD tu etya tak laga 3rd sobsey dangor opener hoisey
Add Comment