New Delhi, 30 January : Veteran actor aru dancer Kalpana Iyer recently fans khan ke khub khushi dise, tai laga iconic dance number “Ramba Ho Ho Ho” ke phunor revisit kori. Tai ekta family wedding te full energy aru grace logot itu dance perform korise. Tai laga social media te share kora itu performance laga video bhal response paise, aru manu khan tai ke decades pichete bhi stage te anaa elegance dekhi admire korise.
Video clip te, Kalpana ke wedding function te naas kori thaka dekha jai, tai ekta rich purple silk sari pindhi ase aru traditional black-and-gold blouse logot pair kora. Tai stage pura control kori, jun dance number pora tai ekta era define korisile, itu laga magic phunor recreate korise. Wedding te thaka manu aru online viewers khan pora jor jor cheer ahise.
Kalpana Iyer ke 1981 laga film Armaan pora “Ramba Ho Ho Ho” song tai ke huge fame dise. Itu song tu itu time te sabse recognisable dance number khan majot ekta ase. Recently, Ranveer Singh laga blockbuster Dhurandhar te itu song ke reference aru reintroduce kora pichete, song tu phunor popular hoi uthise, aru Kalpana laga kaam phunor discussion te ahise.
Dance number khan chari bhi, Kalpana Iyer 1980s aru 1990s te bohut film te kaam korise, jeman Satte Pe Satta, Bade Dilwala, Hum Paanch, Laadla aru Anjaam, etiya ke koile bohut ase. Tai ke specially superhit film Hum Saath Saath Hain te Sangeeta laga role pora monot rakha jai, jitia tai Reema Lagoo laga character laga close friend hisab te act korisile aru film laga central family dynamic te tension add korisile. Report hisab te, Kalpana 1999 te Bollywood chari dise aru Dubai move korise.
Add Comment