December 6, 2025: David Kuloba laga ama para tai ge koisha. Ki Russia najawei. Tai security guard laga kam pa piche teh. Ekta recruitment agency Kenya teh.
Tia aro tailaga family khan toh Kenya laga Kibera teh nuhei koisha. Aro tai kam baha teh pai time teh bishe Khushi paisha koisha. Etu 22 sal mota toh Nairobi teh labour laga kam kurei thakisha koisha. Tai tailaga ama ge Russia ja ase koi homoi teh. Tai laga vama toh tai ge naja wei koisha. Hoile be tai toh jabo hei koisha. Aro tai taila ama ge koisha ki tai tateh punchei lo teh. Company toh $7,000 dibo koisha. Tai August teh olai jai sha koisha. Taila ama ge nakoi ge na.
Tai para taila ama ge contact kurei ge na. ekta photo kuteh tai Army laga full uniform lagai ge pathaisha. Aro tai para taila ama koisha ki tai laga kam toh alak hoisha. Hoile be eman bei toh nahoi koisha. Tai para koisha ki tai aro alak kumba Kenya manu. Two hafta karne training paisha. Aro etia toh Ukraine aro Russia war teh ja ase koisha.
Tai laga ama para koisha ki etu charei diwi. Hoile be tai para koisha ki tai contract sign kurei disha. Tai ge ekta sal dibe koine tai laga ama ge Manisha.
Add Comment