Kamakhya Temple 15 din bondh thakibo

 May 13, 2021. State te Covid-19 cases besi othi-thaka nemite, Wednesday din Kamakhya Temple laga authority para junaishe ke temple toh May 13, 2021 darik para soruh hoikena 15 din nemite bondh thakibo. Assam government para bondh koriboli kowa nemite temple laga authority para etu fesla toh loishe. Wednesday din Guwahati te Maa Kamakhya Devalaya laga Doloi para koishe, “etu khobor toh Kamakhya manuh sob pilgrims logot janai ase ke, desh te Covid-19 bemari pheli thaka nemite government order te religious jaga sob May 13 darik para bondh koriboli janai deya nemite, Kamakhya Devalaya aro Kamakhya hill te dosura temples toh May 13 darik para soruh hoikena bondh thakibo.” Wednesday din te Assam government para notun SOPs (Standard Operating Procedures) junai deya te state te Covid-19 bemar pheli thaka toh rokaboli kam koribo koishe. Notun SOPs hesab te, “sob religious jaga toh 15 din nemite bondh koribo aro etu May 13 darik para soruh. Notun SOPs te Assam laga jaga pura te curfew samai toh be putli hoishe. SOPs toh May 13, 2021, 5am samai para soruh hoikena 15 din nemite bondh thakibo. Thursday din para curfew toh Assam laga urban jaga te 2 pm para soruh hoishe. Notun SOPs hesab te urban jaga te market jaga toh 1 pm te bondh koribo aro weekly markets toh 15 din nemite bondh koribo. Hoilebi, rural jaga te curfew toh 6 pm para soruh hobo aro dukan toh 2 pm para bondh koriboli koishe.