July 23, 2024: U.S President aro Democratic presidential candidate Kamala Harris, tai Israeli Prime Minister Benjamin Netanyahu lokot deh mili bole ase, White House deh, Harris laka aide para Monday din deh kui shae. Netanyahu, tai Wednesday din deh, Congress laka ekta joint session keh address kuri bole aro Harris, etu deh preside kuri bole naparibo. Harris tai, ekta agae deh schedule hua event karne utu din deh Indianapolis deh jab oleh ase, taila aide para kui shae. Joe Biden, tai b Thursday din deh, Israeli Prime minister Benjamin Netanyahu lokot deh mili bole expect ase, U.S officials para Monday din deh kui shae. Biden tai last Wednesday din para COVID-19 lokt kil ani ahi ase, hoile b taila beach house para tai Washington deh ahi bole ase, Tuesday din deh. Biden aro Netanyahu, taijun, Israel aro Hamas militant majo deh ekta ceasefire deal punchi bole kotha kuri bole expect ase. Biden, tai reelection karne naja bo kui nah announce kura piche deh, tai ekta foreign leader lokot deh first time mili bole ase. Tai para Vice President Kamala Harris endorse kuri nah ase, taial successor hobo leh.
Kamala Harris, Israeli laka Netanyahu keh mili bole ase
