Kamala Harris para polls deh eman attention nadi b kui shae

September 21, 2024: Vice President aro democratic presidential candidate Kamala Harris para Wisconsin laka ekta rally keh address kura time deh, polls keh eman attention nadi b kui shae jama kura manu kan keh. Tai para nijor keh “underdog” mati shae presidential race deh aro hard work laka importance deh stress kuri shae.“Khali 46 din heh bachi nah ase, election karne. Etu tho ekta tight race taki bole ase kui nah mukan janeh. Etu karne polls deh eman attention nadi b, kile koile mukan etu race deh underdog kan ase aro mukan laka agae deh hard work kan olop ase,” Harris para Madison laka Veterans Memorial Coliseum deh kui shae.Harris para taila campaign tho unity deh focus ase kui shae. Tai 10,500 laka upor manu kan keh address kura time deh etu kui shae,” Mukan sob division lokot deh alchi laki nah ase aro taikan keh dakai ase, etu kushi napai,” tai para kui shae.Vice President tho itia Trump laka upor deh 3.6 % lead duri ase, The Hill laka isap deh. Wisconsin deh tai 2% [ara lead kuri ase. Polling aggregator Nate Silver laka forecast para Harris tho 48.9% para lead kura dikai shae, Trump laka 46.1% lokot deh compare kuri ase koile tho.