Kamala Harris rally deh taila teleprompter fail hua tho Cardi B kotha kuri bole duk pai taki shae

November 3, 2024: Friday din deh Cardi b, US Presidential candidate Kamala Harris ekh support kuri bo karne ekta rally deh taki shae. Tai stage deh jah time deh Cardi B tho ekta awkward situation deh basi jai shae. Dailymail alka isap deh, singer tho West Allies laka Wisconsin State Fair Park Exposition Centre deh taki shae, Vice President Kamala Harris keh support dibo karne. Singer tho ekta technical issue keh face kuri shae. Tai tho teleprompter keh puri bole duk pai taki shae. Audience kan hala kura time deh Cardi B tho stage deh jai taki shae, hoile b kun bah seconds karne rukhi jai shae. Tai tho teleprompter keh sai taki shae. Tai taila gloves keh hatai dia shuru hui shae aro etu kui shae,” Ek second!”  Aro olop karne rukhi nah tai para etu kui shae,” Maff kuri bole, mui olop nervous ase. Mui olop nervous ase deh, mui muila pura life karne mui etu karne rukhi taki shae.” Tai etu piche deh alak alak jaka keh sah shuru hui shae. Sah isap deh tai taila team keh signal kuri taki shae, motot karne. “Mui patience lakeh yeteh, kuteh ase pan ikan?! Mui yeteh patience lakeh?” Last deh ekta maike para taila ekta phone di shae. Phone pah piche deh taila speech bana shuru hui shae.