May 24, 2026: England laga captain Harry Kane toh second half te hat-trick mare kena, tai laga club Bayern Munich khan ke Stuttgart ke harai kena, German Cup toh jeteia de she.
First half te, duata club be ekta goal goshai kena thake nai, hoile be 55th minute te Kane para Michael laga passing heading de kena goshai de she, match laga first goal.
Tai aro 80 minute te, Diaz laga pass cholai kena aro ekta goal goshai she. Extra time te tai penalty mare kena, hat trick punchi jai she.
Etu season Kane laga form beshe bhal ase, 51 games khelea te, tai 61 goal goshai kena ase. May te, Bayern khan Bundesliga title be jete kena thake she, aro ja August te be German Supercup jete she. Kane toh Bayern te ahea piche, charta trophies jete she.
