Kane para duata goal goshai kena Bayern khan Dortmund ke harai de she

March 1, 2026: Harry Kane para second half te duata goal goshai kena, Bayern Munich para Borussia Dortmund khan ke harai de she, tai khan 11 points uthe she Bundesliga laga top te punche bole. England laga striker Kane etia toh 45 goals gohsai she etu season laga sob competition melai kena. Kane etu moina te 500 goal par hoi she tai laga career te khelea toh, tai 16 min laga betor te duata goal goshai she, aro Bayern khan ke Nico Schlotterbeck laga ahge jai jaishe. 26 minute te Dortmund laga N. Schlotterbeck para first goal goshai she. First half ;aga match toh Dortmund khan para he ball toh control kure thake she. Hoile be Second half te Harry Kane para 54 minute te ekta goal shai kena 1-1 kure de she. Aro 70 minute te Harry Kane para penalty te aro ekta goshai she. Aro 83 minute te Dortmund laga Svensson para ekta goal goshai she 2-2 kure de she. Hoile be 87 minute te j. Kimmich para ekta goal goshai kena Bayern Munich khan ke jeteai de she.