Kane Williamson para itihas banaishey, Virat Kohli, Sachin Tendulkar ke surpass kurishey

New Zealand, 10 February : New Zealand laga veteran batter Kane Williamson ekta dangor record ODI cricket te achieve kuri loise. Former Kiwi skipper itu tri-series te South Africa laga khilaf khilia te, juntu Pakistan bhi feature kurishey, paanch saal sobte bishi pisate laga first ODI century marise.

Williamson 133* run 113 ball te marise aru tai laga team ke Proteas opor ekta clinical victory anibo karone lead kurise, juntu te Kiwis 305 run chase kuri loise 6 wicket haath te rakhishey. Gaddafi Stadium, Lahore te khilia itu match te jitikena, Kiwis tri-series laga final karone qualify kurise, itu tri-series te duita match kheli duita te jitikena. Tai laga innings te, Williamson 7000-run mark ODI cricket te cross bhi kurise. Former Kiwi skipper ekta itihas bani loise karon tai New Zealand laga fastest batter hoi 7000 ODI run reach kurise aru world te second-fastest overall hoi loise.

Proteas laga khilaf match te nahia age, Williamson laga hisab te 6868 run 158 innings te thakise aru tai ke 7000 mark cross kuribo karone 132 run lagise. Tai itu feat achieve kurise jiti thaka last run te Senuran Muthusamy ke winning four maribo te. Kushi laga kotha ase ki, Williamson Virat Kohli aru Sachin Tendulkar, aru bhi onno khiladi ke cross kuri, second-fastest khiladi hoi loise 7000 ODI run reach kuribo te. Tai itu mark pohabo karone 159 innings loi loise, jabole te Kohli aru Tendulkar ke 161 aru 189 innings lagise. Hashim Amla itu list te top te ase, karon tai 7000 run sirf 150 innings te complete kurise. Pichla fastest New Zealand player jun 7000 ODI run hit kurise Martin Guptill ase, junke itu target pohabo karone 186 innings lagise.

7000 ODI runs kuria fastest khiladi

1 – Hashim Amla: 150 innings

2 – Kane Williamson: 159 innings

3 – Virat Kohli: 161 innings

4 – AB de Villiers: 166 innings

5 – Sourav Ganguly: 174 innings

New Zealand tri-series laga final te punchi loise Pakistan aru South Africa opor jitikena. Pichla match te, taikan Men in Green ke 78 run te harai dise, 330 run defend kura te bishi asan hoi thakise. Aji Pakistan aru South Africa ekjon last match kheli thakibo final karone qualify kuribolet.

Proteas itu teenta-team laga table te second position te ase, juntu NRR -0.249 ase, aru host team third place te ase, NRR -1.560 te thakibokey