July 27, 2024: Actor aro politician Kangana Ranaut para Paris Olympics 2024 laka opening ceremony keh criticize kuri shae, “The Last Supper laka blasphemous rendition” upor deh. Taila Instagram stories deh kotha kuri nah, Kangana para event deh lua pictures aro videos kan post kuri shae. Tai para event deh kinaka bacha b taki shae, etu deh notes liki shae.
Event para lua video post kuri nah Kangana para etu kui shae,” Paris Olympics tho fire laka pitor deh ase, taikan laka hyper-sexualized, blasphemous The Last Supper rendition deh bacha dala karne. Performance taka time deh bacha ekta, drag queen keh join kura tho diki shae. Taikan para ekta naked mota keh b paint kuri shae, middile deh taki bole. Leftist para Olympics 2024 keh pura hijack kuri di shae. Sorom ase.”
Tai para blue color deh pain hua mota laka photo b post kuri shae. Actor para etu liki shae,: Naked body painted Christ, Olympic opening deh.” Aro alak ekta photo share kuri nah, Kangana para etu kui shae, “France kan dunia keh enaka welcome kureh? 2024 Olympics karne? Aro enaka acts laka message kan ki ase? Satan laka dunia deh welcome? Taikan etu dika bo mun jai??”
“Olympics opening tho sob homosexual taki bo laka taki shae. Mui homosexuality laka against nahoi hoile b etu tho Olympics laka bahar deh ase. Kinaka Olympics tho sexuality lokot related ase? Kile games aro sports participation tho sob nab nation kan laka excellence dika bo karne ase, sex para lui ase? Kile sex tho mukan laka bedroom deh taki bo napareh? Kile ekta national identity taki bo lageh? Etu tho ekdum bizarre ase!!”
Add Comment