August 30, 2020. Actor Kangana Ranaut para koishe ke, boila ek para Bollywood-drug ‘mafia’ experienced hoikena ek jun manuh kuan tai nejor ke ‘character actor’ ase koishe. Ranaut toh kali actor ase ke, tai para Bollywood manuh narcotics logot linked thaka koishe, etu samay Rhea Chakraborty para actor Sushant Singh Rajput logot be drugs khela te shamil hoikena ase koishe. Republic TV logot interview kora samay, actor Ranaut para koishe ke, ek jun manuh tai laga jeevan te ahishe aro utho manuh tai nejor ke ‘self-appointed mentor’ ase koishe. Etu samay Ranaut toh film industry te besi dhuk kori thakishe. Etu beche utho manuh para tai laga nejor maiki neshina hoikena Ranaut logot ghor te thurikena drug toh khelaina aro tai ke mari thakishe. Ranaut toh 16 umer thaka samay Manali te jaishe aro Chandigarh te tai competition be jetishe, etu nemite agency para Mumbai te botaishe. Olop din thaka beche, actor para koishe ke, tai toh “aunty” ek jun logot city te thakiboli hoishe, etu samay, ‘character actor’ para toh tai ke sati bonaishe aro tai logot promise korikena koishe ke, Ranaut ke Bollywood industry te kam thibo. Ranaut koishe ke, ‘character actor’ para aunty logot sati bonaina eke logot thakiboli hoishe. Interview samay, Kangana para koishe ke, “tai aunty logot chakara korikena ghor para olaboli koishe, hoilebi etu manuh para tai laga saman khan toh ghor te rakina tai ke locked korishe. Kangana ke kam koribo tai laga staff para khobor sob koi thibo. Tai toh ghor te arrest neshina thakishe”.“Tai para ami ke parties te loikena jabo, aro ami nesha kaina tai logot chakara koribo. Etu beche ami etu kam kora toh dik nai koikena janishe. Hafta thaka beche tai toh ami laga motha neshina hoishe. Aro ketai ami kisa tai ke kobo “tui toh ami laga boyfriend nahoi” koile, etu samay tai para ami ke slippers para mari thakishe”, koikena actor Kangana Ranaut para koishe.
Add Comment