New Delhi: August 28, 2020. Bollywood actress Kangana Ranaut laga ‘Tejas’ film toh December moina te olaboli ase. Tai toh etu film te Indian air force pilot thikibo. Actress para social media te junaise ke, “#Tejas film toh December moina te olabo! Etu film act kora toh kushi ase ekta kisa neshina ami khan laga airforce pilots nemite ase! Jai Hind” Etu film toh Vicky Kaushal starrer Uri para bonaishe. Kangana para statement te koishe ke, “Tejas film toh besi bhal kisa ase aro etu samay ami air force pilot olaishe. Ami film te part lowah nemite kushi ase aro kuan mota aro maiki khan uniform te hotai sin line of duty te sacrifices kora laga celebrates kora ase. Ami khan laga film te armed forces aro heroes khan celebrates kora ase. Etu journey te Sarvesh aro Ronnie logot jaa toh besi kushi ase”. Ekta side te Ronnie para koishe ke, “ami khan etai besi dhuk samay te ase etu bemari para laka beche, ami besi kushi para junai ase ke kam toh aro soruh hoishe aro etu saal olop din beche te shoot kora soruh hobo. Uri: Surgical Strike toh Indian Army aro Tejas ke dedicate korikena celebrated koriase aro mon tangor Indian Air Force khan laga fighter pilots ke dedicate kora ase. Maiki manuh pilot hoikena larai koriboli kisa ola toh Salona Bains Joshi para thishe, tai toh project laga Associate Producer ase. Kangana para lead kurikena, besas ase ke ami khan laga film para maiki manuh ke mon tangor hoikena besi maiki khan Indian Air Force te join kuribo”. Kangana toh mon tangor maiki ase aro tai laga awaz para desh laga jawan maiki khan ke chobo aro ami Kangana logot shooting soruh koriboli rokibo napareh naa ase’ director Sarvesh para koishe.
Add Comment