Mumbai, 9 May 2025: Actress Kangana Ranaut Hollywood karone ready kuri ase. Dai para project ekta sign kurise West dae, juntu dai para statement ekta de kena takise ke dai kam kurivolae mun nai west de koina takise. Etu news para ekta spark neshina mixed reaction hoise social media de, aru kunba fans para suggest kurise Priyanka Chopra loko kam kurivolae.
Reports para kua tu kangana tu daila Hollywood Debut tu horror drama ‘Blessed Be the Evil’ para kurivo. Etu project tu Lions Movies para handle kurivo aru Kangana loko Tyler posey aru Scarlet Rose Stallone khan bi feature hobo.
Project laga production tu etu saal pane hobo New York de. Report para kua tu producers khan para US location pick kurise, Trump para industry tariffs lagai diya karone. Film tu Anurag Rudra para direct kurivo aru co-write tu Gatha Tiwary para.
Synopsis para kua tu film laga story tu wkta Christian family follow kure juntu daikhan devastating miscarriage experience kure, aru farm ekta kene biya past loko. Etu project tu international buyers khan loko present kurivo upcoming Cannes Film Market karone.
Fans khan beshi excited aru shock ase Actress nemede aru social media de, aru hope kuri ase dai successful hobolae etu Hollywood laga project de.
fans khan para suggest kurise Priyanka Chopra loko Kam kurivolae. Aru kunba fans khan para koise Actress tu shine kurivo Hollywood de. Fans khan kunba excited ase Kangana aru Tyler Posey ke eke loko ekta movie de tekibolae.
Add Comment