Agencies, 08 May: Desh te coronavirus toh ektum gara joldi pheli ase. Aro vaccination process toh pura joldi ase. India te be COVID cases aro mora te record ponja toh dekhise. Besi Bollywood aro TV celebrities ke be jaija moina te positive test ola thakise. Actress Kangana Ranaut toh infection thura sobse notun victim ase. Instagram te actress para tai Himachal Pradesh te ponjikena test loise aro results toh positive olaise koise.
Kangana para jaija olob agae din te tai laga sukhu te olop jola nesana aro dukh aro komchor howa nesana thakise koise. Tai toh Himachal te jabole bhabona kora thakise. Etu para agae din test loise aro aji Covid positive olaise koise.
Hoilebe actress para tai warrior nesana infection te fight koribo koise. Tai para be tai nejor ke quarantine koribo koise. Tai para tai laga gao ke virus para party kori thaka eku idea thaka nai koise aro etiya tai janishe aro virus toh hataidebo koise. Tai para be tai opor te eku power nadibe koise, judi apuni bhoi hoise koile besi bhoi hobo koise. Tai para etu COVID-19 te beya koribole agae ahibole koise. Etu toh eku nahoi hoilebe ekta olop samai flu ase koise.
Kaam te Kangana Ranaut toh next tai laga ahibole film Thalaivi te dekhibole ase aro tati tai late Tamil Nadu chief minister J. Jayalalithaa laga play korise. Film toh Hindi, Tamil aro Telugu te olabole ase. Film toh April 23 te olabole thaka ase hoilebe covid pandemic karni para postpone korideya thakise. Kangana toh lockdown agae te tai laga tusara ahibole film Tejas nemite shot kori thakise. Film te toh debutant Sarvesh Mewara para direct korise.
Add Comment