Kangana Ranaut laga film ‘Emergency’ CBFC para clearance paishey

Mumbai, 19 October : Kangana Ranaut laga bishi rukhi thakia film “Emergency” etiya Censor Board of Film Certification (CBFC) pora certificate paishey. Kangana, juntu film laga co-producer aru director hisebe kaam korise, X te Thursday din announcement korise ke film tu etiya theater khan te jabo.Film toh September 6 te release hobo buli schedule kora hoise, kintu controversial khan pora film laga future uncertain lage, karon Sikh organization aru Shiromani Akali Dal film tu pora objection dikhai, tai laga community ke misrepresent koribo aru historical facts khan bhul koi jabo buli arop korise.Kangana laga film tu 1970s India laga Emergency era upor te asey, aru Kangana tu former prime minister Indira Gandhi hisebe kaam korise. Film tu Anupam Kher, Milind Soman, Mahima Chaudhry, aru Shreyas Talpade ke milaikena asey. Shreyas Talpade tu Atal Bihari Vajpayee hisebe khelibo, aru Anupam Kher tu Jayaprakash Narayan hisebe dekha jabo. Late Satish Kaushik former Deputy Prime Minister Jagjivan Ram hisebe kaam koribo.Pura delay karney Kangana pora frustration janai dise. X te tai CBFC laga faisla ke criticism kori, juntu film laga certificate delay kori aise, tai “illegal” buli koi dise. Tai Bombay High Court ruling pora Emergency film laga delayed clearance nimete jawab janai dise.