New Delhi, August 12 : Bollywood actor aro MP Kangana Ranaut tu politics aro film duita te bi active asey. Taikey joldi hi ekta nutun film ‘Emergency’ te dikhibole asey. Audience khan tu tailaga etu film sabole karney lamba homoi para rukhi asey. Enaka situation te, etu film laga makers khan para Monday(August 12) te etu film laga trailer laga release date reveal kurikina audience khan laga josh ke baraidisey. Kangana para etu trailer laga information tu social media te etu film laga nutun poster share kurikina share kurisey.
‘Emergency’ laga trailer tu August 14 te Independence Day laga occasion te release hobole asey. Etu film te, Kangana tu poila laga Indian Prime Minister Indira Gandhi laga role kuri asey. Kangana para social media te etu film laga nutun poster share kurikina likhisey, “Democratic Indian history laga sobsey andhera homoi aro power laga lalach kuntu para pura desh ke olop para jolaidibole thaka tu witness kuribi.”
Etu film tu duniyabhor te September 6 te release hobole asey.
Add Comment