New Delhi, August 28 : Kangana Ranaut tu tailaga nutun film Emergency promote kora te busy asey, kotey tai India laga former Prime Minister Indira Gandhi laga kirdar nibhai asey. India Today logotey kora ekta nutun interview te, etu actor para Indira Gandhi laga bari te kotha kurisey. Aro amikhan para takey ‘bhal’ na ‘biya’ laga category te dhalibole paribo. Tai para koisey ki tailaga film ke Hollywood laga mashoor film Oppenheimer logotey ekdam close para compare kuribo parey.
Jitya Kangana ke enaka sensitive aro jhamila olaidibole para topic te film kora laga bari te hudisiley, tai para enaka koisey, “Ami najaney ki manu khan hakikat logotey eman uncomfortable kiley asey. Ami nimitey Ms. Gandhi tu tai ki asey etu asey aro amikhan para manu ke ‘bhal’ nohoile ‘biya’ laga category te dhalibo naparey. Judi apni etu perspective para saisey koiley, etu film para apni nimitey bisi dorja khuli dibo. Hoilebi ekey homoitey amilaga film ke close para compare kuribole pariya tu Oppenheimer asey.”
Tai para agey barikina enaka explain kurisey, “Apni para taikey(Oppenheimer) ke support kuribo lagey na nai etu decide kuribo naparey, judi taikey kunba para manipulate(control) kuri asey na tai para kunba ke control kuri asey. Hoilebi amikhan sob bi enaka nohoi naki? Life tu eman limited nohoi. Life para apni ke aro bisi behtar hobole demand korey aro kityabar apni ki nisna manu hobole mon nai etu bi hobole diye. Etu nimitey ami para etu ke Shakespeare laga tragedy(dukhi ghotna) koi. Etu tu Macbeth nisna ekdam ekey asey. Macbeth laga naseeb te raja hobole laga thakisey. Aro jitya tai para raja ke moraikina raja hoijaisey chakku para taikey piccha kurisey. Tailaga antar-atma laga awas para taikey piccha kurisey…’Emergency’ film laga idea tu etu asey ki amikhan majotey sobsey best wala bi ahengkar laga sikar hobo parey. Emergency tu theatre te September 6 te release hoisiley.
Add Comment