New Delhi, 17 March : Sarke Chunar Teri Sarke, juntu KD: The Devil pora ase, aru Nora Fatehi aru Sanjay Dutt feature kori ase, etu song etiya bisi criticism pai ase, karon itia lyrics aru choreography besi suggestive kuina manu khan koise. Actor aru politician Kangana Ranaut Bollywood ke accuse kori dise ki “vulgarity” laga limit cross kori dise.
Monday din, singer Armaan Malik tu itia lyrics huni shocked hoise kuina share kori se. Tai nijor X account te koi dise ki lyrics huni tai clip ke bar bar replay koribole hoise, karon tai biswas kori napai ki hunise.
Etu majote, ekta advocate Central Board of Film Certification (CBFC) logot approach kori ase, request kori ase ki song ke turant ban aru remove kori dibole, karon itia lyrics aru visuals obscene aru minors khan jonne harmful kuina allegation ase. Report hisaabe complainant koise ki etu song, juntu Monday din YouTube te release hoise aru social media te bisi viral hoi ase, “besi vulgar, sexually suggestive aru obscene expressions” ase. Aru koise ki itia picturization aru dance sequences provocative ase aru vulgarity promote kori ase, juntu public decency disturb kore.
Complaint te song logot manu khan laga naam bhi mention kori ase—lyricist Raqeeb Alam, director Prem, composer Arjun Janya, aru singer Mangli.
Alag pora ekta criminal complaint bhi already Delhi Police Cyber Cell logot file kori diya ase.
Sarke Chunar Teri Sarke upcoming pan-India Kannada film KD: The Devil pora ase, juntu Prem direct kori ase. Song laga opening verse ekta double meaning (double entendre) use kori ase, juntu sex ke besi graphic bhabe describe kore. Etu song Hindi, Malayalam, Tamil, Telugu aru Kannada language te Anand Audio upload kori ase. Wednesday, Hindi version YouTube pora hatai diya hoise.
Add Comment