Mumbai, January 12: Actor Kangana Ranaut para Bollywood superstar Salman Khan logotey tailaga rishta laga bari te khulikina koisey ki tai tu ekta “bhal sathi” asey. Tai para reveal kurisey ki film khan te kaam kuribole bisi opportunity pa laga bawajut bi, taikhan duijun etya taak bi ekey logotey kaam kuribole paranai.
Kangana para koisey, “Salman tu amilaga bhal friend asey, aro amikhan logotey enaka bisi opportunity thakisey kotey amikhan eksath kaam kuribo pari thakisey. Hoilebi, saisabo.”
Ageyte, ‘Emergency’ film laga trailer launch te, Kangana para Salman Khan laga bari te kotha koisey. Tai koisey, “Salman ji ke dikhisey koiley tailaga bisi fan following asey, manukhan taikey emaan morom korey. Amilaga bhabna hisap te, tai tu etya desh te top most, sobsey bisi morom pa star asey. Kun manu khan taikey morom korey taikhan tu taikey morom kuri thakibo. Aro kun manu khan laga suku te tai bhal nai taikhan tu taikey nafrat kuribo- chahey etu tailogotey mukabala kora manu hoilebi aro film industry laga manu hoisey koilebi. Taikhan laga suku te, tai tu hodai irritate kuridiya laga hobo. Judi amikhan tailaga jag ate thakisey nohoilebi judi manu khan para tai kiley etu position te asey hudisey koiley, tai taikhan nimitey irritating hobo.”
Add Comment