Kangana Ranaut para tailaga nutun film announce kurisey

New Delhi, September 03 : Kangana Ranaut para tailaga nutun film Bharat Bhhagya Viddhaata announce kurisey, kuntu tu desh bhakti laga theme te based asey. Etu actor, kun etya tailaga political(rajneetik) film ‘Emergency’ nimitey CBFC( Central Board of Film Certification)  para certification pabole mushkil jheli asey, tai tu etya  ‘mashoor nuhuwa hero’ khan laga bari te bana ekta nutun desh bhakti film kuribole tayari kuri asey. Kangana aro Floating Rocks Entertainmnet aro Eunoia Films laga Adi Sharmaa logotey milikina ekta joint instagram post te etu khobor share kurisey. Kangana para direct kora film ‘Emergency’ tu asol te September 6 te release hobole thakisey. Hoilebi, etu film tu politics hisap te jhamila olaidibole laga thaka nimitey, Indian censor board para etu film te olop part katibole recommend kurisey. Etya, etu film kitya release hobole asey etu kobo naparey. Hoilebi Kangana para theatre te etu film laga nakatikina thaka version release kuribole laga iccha jataisey. Etu film para Indian Emergency laga 21-month homoi laga kahani koi. Kuntu te Kangana tu poila laga Indian Prime Minister Indira Gandhi laga role kuri asey. Emergency te Anupam Kher, Shreyas Talpade, Mhaima Chaudhary, Milind Soman, Vishak Nair aro late actor Satish Kaushik bi important role te asey. Kangana para Anurag Basu laga film Gangster logotey tailaga Bollywood debut kurisey. Kangana ke Vijay para direct kora ekta Tamil psychological film te Ra Madhavan logotey bi dikhibole asey.