Kanhaiya Kumar para Rahul Gandhi lok korishe

New Delhi: Ekta tangor political development te CPI leader aro former JNU Students’ Union president Kanhaiya Kumar para Congress leader Rahul Gandhi logot lok korishe koishe. Khobor hesab te, jodi bhal hoile, Kanhaiya toh purana party logot aro samil hoboli ase koishe. Tai khan pithor te kotha kori thaka toh itya final stages te ase koishe. Kumar logot censure motion thaka beche CPI leadership logot kushi powa nai, etu samai toh Janu’ moina Hyderabad te party meeting samai tai oper te indiscipline passed korishe. CPI leader para Tuesday din Gandhi ke lok paishe aro tai Congress te samil hoboli nemite kotha koishe, koikena Indian Express para khobor toh janaishe. Khobor hesab te Kumar para Bihar politics te tangor role ekta koriboli koishe. Jodi Kumar toh tai laga oratory skills hoile, tai congress te samil hoikena Uttar Pradesh Purvanchal jaga te campaign koribo koishe. Kanhaiya para 2019 saal te Lok Sabha elections te CPI ticket para Bihar te contested korishe, hoile etu samai tai toh BJP’s Giriraj Singh logot harishe. Gujarat MLA Jignesh Mevani toh be Congress leadership te melikena ase koishe.