Karnataka, 6 November : Veteran Kannada actor Harish Rai, juntu “Om” aru “KGF” series te actor Yash laga sath memorable role karne jona jai, tai cancer logot dangor struggle korina pichete muri jaise. Tai 55 saal laga asile. Tai laga biya aru duita bacha ase.
Tai laga career te, Harish Rai bisi hit film te kaam korise — jiman khan “Samara,” “Bangalore Underworld,” “Jodihakki,” “Raj Bahadur,” “Sanju Weds Geetha,” “Swayamvara,” aru “Nalla.” Tai laga intense aru deep character portray koribar ability karone, tai jiman film te kaam korise, sob te alag pora stand out korise.
Kintu, Shivarajkumar laga cult classic “Om” aru Prashanth Neel laga “KGF” franchise te tai laga role he tai ke dangor recognition di dise aru public laga mon te ekta special jagah banai dise.
Tai laga muri South Indian cinema te ekta era laga end dikhaise, juntu jagate tai laga powerful screen presence aru versatile acting karone tai bisi respect paise. Tai laga decades-long career te, Harish Rai Kannada, Tamil aru Telugu film te kaam korise, aru critic aru audience duita pora admiration paise.
Add Comment