Agencies, 15 November: COVID-19 nemide Russia’s Sputnik V toh ahibole hapta Kanpur’s Ganesh Shankar Vidyarthi Medical College te ponjibo nesana ase. Tati etu dawai laga Phase 2 aro Phase 3 human clinical trials lowa thakibo.
Dawai laga clinical trials manu ke lobole fesla kora toh Dr Reddy’s Laboratories ke Drugs Controller General of India (DCGI) approval powa bechide ase koise.
PTI te college principal R B Kamal koise, dawai laga clinical trials manu ke lowa toh ahibole hapta para suru hobo.
Tai koise, trials nemide 180 volunteers toh register hoise. Research laga Head Saurabh Agarwal para dawai toh keman dosage debo fesla koribo koise. Ekta dose toh deya thakibo aro volunteers laga halat te saija thakibo koise kelay koile doses toh aro debole nahoile nadebole nemide.
Kamal para volunteers’ vitals aro condition toh thek samai samai te sabo aro dawai toh kamiyaab hoise na howa nai fesla koribole nemide data te sabo koise.
Tai para be volunteers ke vaccine laga effect toh seven moina nemide sabo koise.
Ek moina nemide dawai laga effects te shaija bechide authorities para trial laga results janaidebo aro etu nesana tai khan fesla koribo koise.
Tai para college laga Ethics Committee ke be trials nemide akiya paise koise.
Dawai toh 20 to -70 degrees Celsius laga temperature te rakhibo lakae koise.
Add Comment