New Delhi, 19 January : Musician Karan Aujla 2026 te India te six-city tour plan kori ase. Rolling Loud te headline kora first Punjabi artist bana pichete, singer tu nijor P-POP CULTURE World Tour laga India leg officially announce kori dise. Itu tour pora Karan karone approx $15 million generate hobo kuina projection ase.
Karan laga tour India laga dangor-dangor shehar khon cover koribo — Bengaluru, Indore, Pune, Mumbai, New Delhi aru Chandigarh. World tour laga India leg shuru korar agey, tai November 2025 te Abu Dhabi laga Etihad Park, Yas Island te performance dise. India ahibar agey, tai United States, Europe, Asia, Canada aru United Kingdom te tour koribo. 2025 te release howa P-POP CULTURE album tu Punjabi pop aru hip-hop laga fusion ase.
Karan February aru March 2026 majot India te perform koribo, aru itu tour pora 4 lakh pora besi fans attract hobo kuina expectation ase. Itu tour Team Innovation pora present aru promote kora ase — jikhon team tai logot 2024 laga It Was All A Dream India Tour te o kaam korise, juntu tour te 2 lakh fans ahisile. Itu tour te Canada, UK, US, NZ aru India te bhal ticket sales hoisile aru $15 million pora besi revenue generate hoisile. 2026 tour pora eki ba tai pora besi revenue ahibo kuina andaza kora ase.
P-POP CULTURE India Tour 2026 laga tickets District te available hobo. HSBC credit card holders karone 48-ghonta early access thakibo, juntu 1 December 2025, dupor 12:00 baje pora pre-sales shuru hobo. General ticket sales 3 December 2025, dupor 2:00 baje shuru hobo. Ticket price ₹999/- pora shuru hobo, aru VIP aru premium fan packages o thakibo juntu concert experience ke aru bhal bonabo.
Karan Aujla New Delhi te February 28 te perform koribo, Mumbai aru Pune te March 4 te, Chandigarh te March 14 te, Indore te March 21 te aru Bengaluru te March 29 te stage lobo.
Add Comment