Karan Johar laga ‘Kill’ tu North America te 1000 opor scene te release huwa first Hindi film hoisey

New Delhi, June 20 : Director Nikhil Nagesh Bhat laga film ‘Kill’ laga olop din ageyte release huwa trailer tu bisi interesting olaisey. Etu film laga trailer ke sob jaga laga film khusi poa manu khan para tariff kurisey. Etu film te nutun actor Lakshya, Raghav Juyal aro Tanya Maniktala lead role te asey. Etu film tu ekta pura puri action kahani asey kuntu tu ekta jai thaka train te hoi. Audience khan ke enaka lagi asey ki etu film te larayi jhagra aro mara mari kora bisi asey.  Etu ekla nohoikina, Kill tu India te bana sobsey bisi violent(mara mari kora) film majotey ekta asey. Toh, manu khan para etu film te homoi homoitey red colour(khoon) chola tu dikhibole expect kuribo lagey. ‘Kill’ laga trailer ke loikina positive response pa laga alava etu film para Bollywood film nimitey ekta bisi dangor kamyabi bi hasil kurisey. Etu tu first Hindi film asey kuntu laga North America te 1000 opor screen book hoisey.  North America te etu film nimitey interest aha tu alag alag international festival te bhal respose pa picheyte asey. ‘Kill’ tu ekta commando (Lakshya) laga kahani asey kun tailaga girlfriend Maniktala ke tailaga ama baba para dusra mota logotey shaddi kuridibole thaka nimitey etu ageyte lok kuribole ekta train te uthisey. Hoilebi etu train ke kunba gunda khan para kapza kurisey aro tai fight kuribole majboor hoisey. Etu film laga trailer te enaka bisi scene asey kuntu para audience laga mon kapai dibo.