Karan Johar para ekbar koisley ki parisey koiley tai ‘Kabhi Alvida Naa Kehna’ ke correct kuribo

New Delhi, July 09 : Film sabole khusi pa bisi manu khan karney aro film laga opor te taikhan laga opinion diya manu khan nimitey 2016 te release huwa film  ‘Kabhi Alvida Naa Kehna’ tu ekta masterpiece asey. Hoilebi, etu film laga picheyte thaka manu, Karan Johar nimitey tu etu film tu olop golti khan thakikina release hoisey. Aro judi tai kitya bi chance paisey koiley, tai alag eku nohoi hoilebi etu film ke correct kuribole mon jabo. ‘The Week’ logotey kora ekta interview te, Karan Johar para etu film laga bari te tailaga vichaar disey. Tai para koisey ki  mashoor film star thaka aro grand production kora laga bawajut etu film tu tai para akha kora nisna olanai. Etu film te Shah Rukh Khan, Abhishek Bachchan, Rani Mukherji aro Preity Zinta lead role te thakisey. Aro etu film te shaddi shuda hoikina bi dusra mota-maiki ke khusa pa aro nijor laga mota aro maiki ke dhoka diya laga bari te dikha nimitey criticism paisey. Karan Johar para koisey ki ‘Kabhi Alvida Naa Kehna’ ke tai para dangor gana laga set aro bisi star khan thakikina present kuribole mon thakisey. Tai ke etya enaka lagi asey ki etu mix tu ekta golti thakisey. Karan Johar para koisey, “Judi ami etu film aro ekbar banabole parisey koiley, ami etu ke correct kuribo.”