Karan Johar para Kesari Chapter 2 announce kurisey

Mumbai, March 23: Karan Johar para Keari Chapter 2 laga teaser(khata video) release hobole aro etu film laga nutun release date officially announce kurisey. Etu teaser tu March 24 te release hobole asey. Aro etu film tu duniyabhor te cinema te April 18, 2025 te release hobole asey. Karan Johar para etu news toh Instagram te enaka likhikina share kurisey, “Kunba larayi khan te hathyar para fight nokorey . #KesariChapter2 teaser 24^th March te olabo. Cinemas te, 18^th April te, duniyabhor te.” Kesari Chapter 2 para bisi bhal cast Akshay Kumar, Ananya Panday aro R Madhavan ke eksath lead roles te ani asey. Etu movie tu Raghu Palat aro Pushpa Palat laga kitab ‘The Case That Shook The Empire’ opor te banaisey. Etu film te C Sankaran Nair laga jibon laga bari te dikhai. Tai tu ekta barrister(lawyer) thakisey kun para khatarnak Jallianwala Bagh massacre(kotey ekbar para bisi manu ke moraidisey) laga asliyat ke bahar olabole nimitey British Raj laga against te fight kurisey. ‘The Case That Shook The Empire’ kitab kitab laga writer Raghu Palat tu C Sankaran Nair laga great-grandson asey aro etu kahani para amikhan ke Indian history laga etu mushkil chapter laga bari te janai. Etu film tu asol te March 14, 2025 te release hobole thakisey hoilebi etya etu April 18, 2025 te postpone hoijiasey. Etu film ke Dharma Priductions, Leo Media Collective aro Cape of Good Films para produce kurisey. Kesari Chapter 2 ke Karan Singh Tyagi para direct kurisey. Etu film laga full tile tu, ‘Kesari Chapter 2: The Untold Story of Jallianwala Bagh’ asey.