Mumbai, February 18: Karan Johar para recently Shraddha Kapoor aro Rajkummar Rao laga film ‘Stree 2’ laga success para ispire hoisey aro hosla paisey koikina express kurisey. Tai para etu film laga actor khan aro producer-director team laga tarif kurisey.
Karan para ekta interview te Stree 2 laga success te tailaga khusi jataikina etu film laga box office performance para kinaka tailaga hosla baraisey aro taikey inspire kurisey etu janaisey.
Tai para koisey ki etu film tu ekta bisi dangor star actor te depend koranai hoilebi producer Dinesh Vijan aro director Amar Kaushik laga kahani dikha style nimitey success hoisey. Tai para etu film laga pura cast. Including Rajkummar Rao, Abhishek Banerjee, Aparshakti Khurrana aro Shraddha Kpoor laga tarif kurisey, hoilebi etu kotha te jor disey ki etu film laga asli credit tu producer aro director ke jai taikhan laga vision aro leadership nimitey.
Tai para agey barikina koisey ki ajikali laga film industry tu khai director aro star khan laga bari te hey nohoi, hoilebi producers khan laga bari te bi asey.
Tai para ekta film ke kinaka banai, etu para poisa kamai aro release korey etu laga importance janaisey. Aro film ke launch kora laga timing aro strategy laga bari te bi koisey. Tailaga hisap te, ekta film laga success tu etya studio aro producer laga tarika opor te depend korey.
Stree 2 tu theatres te juwa saal laga August 15 te release hoisiley. Etu film tu 2018 te hit huwa film Stree laga second part asey.
Add Comment