Karate comedy ‘The Black Belt’ Chris Pratt olabo

December 10, 2020. Avengers: Endgame te ola star Chris Pratt para ahi thaka karate comedy The Black Belt te olaboli ase. Etu project toh Monarch Media para backed korishe aro Randall Green para kisa toh lekishe, koikena Hollywood Reporter para khobor toh janai thishe. Film toh bacha ek jun oper te ase, tai toh besi sorom aro karate jana bacha ase aro tai laga uncle para motom korikena jaishe. Chris Pratt toh bacha laga uncle role koribo aro film toh tai laga partner Jon Schumacher logot melaikena bonaboli ase koishe. Steve Barnett aro Alan Powell laga  Monarch Media para be bonabo, etu samai Vicky Patel toh executive producer thakibo. Chris Pratt laga Indivisible Productions para action movie Saigon Bodyguards, etai bonai ase. Tai toh Endgame film bona manuh Anthony aro Joe Russo logo taro melishe. Actor para ahi thaka series The Terminal List te tai be olabo aro bonabo, etu samai Antoine Fuqua para directed koribo koishe.