Kareena Kapoor aro Hansal Mehta laga laga ‘The Buckingham Murders’ film laga release date olaisey

New Delhi, July 1 : Kareena Kapoor Khan tu etu saal hosa bi bisi bhal pradarshan kuri asey. Tailaga pipeline te bisi bhal film line te asey. Rohit Shetty laga Singham Again laga alava, Kareena Kapoor logotey Hansal Mehta laga ‘The Buckingham Murders’ film bi asey. Fan khan tu etu film laga update nimitey poila para rukhikina thakisey. Aro etya etu film laga makers khan para etu film release hobole laga tarik announce kurikina fan khan ke khusi kuridisey. July 1, te Kareena Kapoor Khan aro Balaji Motion Pictures para milikina ekta post dhalisey. Aro etu film laga look poster share kurisey. Duita poster te bi Kareena ke ekta challenging(chunoti) hoilebi promising(ekta akha thaka) roop te dikhaisey. Etu film tu theatre te September 13, 2024 te release hobole asey. Veere Di Wedding aro Crew picheyte, Kareena Kapoor Khan aro Ekta Kapoor tu ‘The Buckingham Murders’ film nimitey aro ekbar haath milaisey. Etu film ke Hansal Mehta para direct kurisey. ‘The Buckingham Murders’ tu release hobole agey para mashoor huwa tu etu film laga BFI London Film Festival 2023 te screening huwa aro Jio MAMI Film Festival 2023 te open huwa first film huwa nimitey asey.