Kareena Kapoor tu Yash laga ‘Toxic’ film para olaijaisey

New Delhi, May 3 : KGF aro KGF 2 laga etihasik kamyabi picheyte Yash laga next duita film tu Geetu Mohandas para direct kora film ‘Toxic’ aro Nitesh Tiwari para direct kora film ‘Ramayana’ hobole asey kuntu te Ranbir Kapoor aro Sai Pallavi bi asey. Etu picheyte, joldi hi alag alag media house khan para report kurisey ki ‘Toxic’ film laga makers khan para Kareena Kapoor ke etu film te Yash laga bhuini nohoile didi laga role play kuribole dhalisiley aro Kareena nijor para bi etu film te shamil huwa laga confirm kurisiley. Hoilebi etya, etu janibole pari asey ki Kareena Kapoor tu ‘Toxic’ film laga hisa nathaka hoisey. Sources laga hisap te, Kareena Kapoor tu Toxic film para date namila nimitey olaijaisey. Toxic film nimitey Kareena Kapoor laga date tu Yash laga date logotey nimiley. Calendar ke thik kuribole kosis kora picheyte, etu film laga makers khan Kareena Kapoor logotey buja-buji kurikina aro ek-dusra laga monjuri para rasta alag alag kuriloisey. Ekta source para koisey ki Toxic film te ekta tagra sibling emotion asey aro bhuini laga part tu bisi dangor aro ekta kahani thaka laga asey, kuntu nimitey ekta top star lagag jarurat asey. Etu role nimitey makers khan para enaka actress bisari asey kun laga Pan India (pura India te) presence asey.